У.Хүрэлсүх: Үндсэн хууль бол ард түмний хамтын, оюун санааны бүтээл
2022-01-13

 

Үндсэн хуульт ёс, Үндсэн хуульт байгууллыг бэхжүүлэх, төрт ёс, түүх соёл, хүний эрх, эрх чөлөө, ардчилсан ёс, үндэсний эв нэгдлийг хангах, хууль дээдлэх зарчмыг бэхжүүлэх, Үндсэн хуулийн эрх зүйн судалгааг дэмжих зорилгоор Монгол Улсын Ерөнхийлөгч Үндсэн хуулийн эрх зүйн хүрээлэн байгуулах зарлиг гаргасан юм.

 

Ардчилсан, шинэ Үндсэн хуулийн эхийг баригч Б.Чимидийн нэрэмжит МУИС-ийн Хууль зүйн сургуулийг түшиглэн байгуулсан хүрээлэнгийн нээлтэд Монгол Улсын Ерөнхийлөгч оролцлоо.

 

30 жилийн өмнөх энэ өдөр ард түмний төлөөлөл болсон БНМАУ-ын Ардын Их Хурлын 430 депутат, Улсын Бага Хурлын 50 гаруй гишүүн ардчилсан, шинэ Үндсэн хуулиа баталсан түүхтэй.

 

Шинэ Үндсэн хуулийг боловсруулах, батлах үйл явцад 1,2 сая сонгогчийн 75 орчим хувь буюу 900 мянга гаруй хүн шууд оролцсон юм. Иймээс шинэ Үндсэн хууль нийт ард түмний хамтын, оюун санааны бүтээл гэдгийг Монгол Улсын Ерөнхийлөгч тодотголоо.

 

Мөн эрдэмтэн, судлаачид, тэдгээрийн бүтээлүүд хөгжил дэвшил, үндэсний эв нэгдлийг хангах бодлогын суурь болж, иргэдэд Үндсэн хуулийн боловсрол олгох, соён гэгээрүүлэхэд бодитой хувь нэмэр оруулна гэдэгт итгэж байгаагаа илэрхийлэв.

 

Шинэ Үндсэн хууль нийгэм, эдийн засгийн харилцаанд төдийгүй хувь хүн, гэр бүл, нийгмийн салбарт хөгжил дэвшил авчирч, дэлхий дахинд Монгол Улс бүрэн эрхт, тусгаар тогтносон ардчилсан улс гэж хүлээн зөвшөөрөх томоохон баталгааг бэхжүүлсэн онцлогтой юм.

 

Shuud.mn
Сонин хачин
Болж бүтэж байгаа юмыг болохгүй бүтэхгүй болгох нь ардыг аль болох тамлан зовоож тарчлаах нь МАН гэдэг мангасуудын хобби гаж дон болжээ. Үзэн ядаж байна. 70 жил дарлаж монголчуудыг үгээгүй ядуу болгож ү коммунист үзлийн боолчлолд байлгасан МАН. . Одоо 1 намаараа дарангуйлж ядууруулах үгээгүй хоосролд оруулах хатуу чиг шугамаа хэрэгжүүлсээр. МАНын дарга авгай хүүхдүүд л баяжиж таргалж болдог харгис шившигт нийгмийг бүтээжээ. Монголчуудын талаас илүү нь ядуу зүдүү амь зууж байна. Энэ одооюу вэ?? Айлын сарын орлогын тал нь хоол хүнс ахуйдаа зарцуулагдаж буй бол тэр үгээгүй ядуу гэж тооцдог стандарт хэмжүүр Ядуу ч биш бүр үгээгүй ядуу юм
2022-01-13