АНУ оршин суугчдадаа коронавирус илрүүлэх тест тараана
2022-01-14 13:00

АНУ-ын захиргаа гэрийн нөхцөлд ашиглах коронавирусийн тест дахин 500 сая ширхэгийг худалдан авахаар болжээ. Ингэснээр иргэдэд нийтдээ нэг тэрбум тест тараана гэж АНУ-ын Ерөнхийлөгч Жо Байден мэдэгдсэн байна. 

 

Коронавирусийн цар тахалтай тэмцэх шинэ арга хэмжээний талаар тэрбээр Цагаан ордонд мэдэгдэл хийх үеэрээ зарласан байна. Байдены мэдэгдсэнээр, ирэх долоо хоногоос эхлэн АНУ-ын зургаан муж руу мянга гаруй цэргийн эмчийг илгээх бөгөөд эдгээр эмч нар омикрон штаммын халдварын улмаас ачааллаа дийлэхгүй байгаа эмнэлгийн ажилтнуудад туслах юм байна.

 

Түүнчлэн АНУ-д "вакцинд хамрагдаагүй хүмүүсийн тахал" үргэлжилж байна гэж Жо Байден дахин мэдэгдсэн байна.Мөн коронавирусийн халдварыг эмчлэх Пфайзер эмийг худалдан авах хэмжээгээ хоёр дахин нэмэгдүүлэхээр төлөвлөж байгааг дуулгажээ. 

 

Г.Бямбасүрэн

Shuud.mn
Сонин хачин