Бельгийн хаан III Леопольдийн охин, Мария-Эсмеральда гүнж улсдаа алдартай зохиолч төдийгүй хүний эрхийг хамгаалагч нэгэн юм.

Тэрбээр саяхан олон хүний хувьд санаанд оромгүй санаачилга гаргажээ. Тэрбээр өөрийн хуланц эцэг II Леопольд хааны бүхий л хөшөө, дурсгалыг буулгах олон нийтийн санал асуулга явуулахыг шаардсан байна.

Бельгийн энэ хааны хөшөөг Антверпенд өнгөрсөн оны зургадугаар сард буулгасан юм. Харин одоо гүнж орон даяар энэ хөшөөнүүдийг буулгах хүсэлтэй байгаа гэнэ.

"Миний хуланц эцэг төр барьж байх үед дэлхий даяар түүний харьяат албатууд колончлогчийн зэрлэг, хэрцгий үйлдлүүд гаргаж байсан. Энэ үйлдлийнх нь төлөө өнөөгийн үр ач бид ч хариуцлага хүлээх ёстой" хэмээн гүнж мэдэгджээ.

II Леопольд хаан Европ тив Африкийг колончилж байсан 1865-1909 оны хооронд Бельгийг удирдаж байжээ. Бельги улс өнөөгийн Конгогийн нутаг дэвсгэр оногдсон бөгөөд хамгийн бурангуй хэлбэрээр нутгийн оршин суугчдын хөдөлмөрийг тухайн үед мөлждөг байсан гэнэ.

Зааны яс, каучук нийлүүлэх төлөвлөгөөг биелүүлээгүй бол II Леопольд тосгонуудыг шатааж, ажиллах чадваргүй хүмүүсийг хөнөөхийг тушаадаг байсан аж. Түүнчлэн олон мянган хүн өлсгөлөн, үхлийн аюулт өвчний улмаас амиа алдсан байна. Түүхдчийн үздэгээр, II Леопольдыг төр барьж байх үед Конгогийн хүн ам хоёр дахин буурчээ.

"Колончлогчдод зориулан босгосон хөшөө өнөө хүртэл байгаа нь арьс өнгөөр ялгаварлан гадуурхах үзэл далд хэлбэрээр байгаагийн илрэл. Бельги улс колончлолын үеийн өвийг хадгалан үлдэж, боолын худалдаачдад хүндэтгэл үзүүлж байгааг харсан манай орны өнгөт арьстнууд уурлан бухимддагийг би сайтар ойлгож байна" хэмээн гүнж мэдэгдсэн байна.

Түүнчлэн өнгөрсөн үед цагаан арьстнууд давамгай эрхтэй гэж үздэг байсан хаадын өмнө Бельги бөхийх ёсгүй эгж өдгөө 65 настай гүнж үздэг аж.

Г.Бямбасүрэн