Оросын Су-35С сөнөөгч онгоцууд Беларусийг чиглэн хөөрсөн талаар ОХУ Батлан хамгаалах яам мэдээлжээ. Эдгээр онгоцууд ОХУ, Беларусийн хамтарсан өргөн цар хүрээтэй цэргийн сургуулилалтад оролцохоор ийнхүү Беларусийг зорьж байгаа юм. Үүнээс өмнө Беларусьт Оросын тэнгисийн явган цэргүүд болон артиллерчдыг байршуулж дууссан байна.
Оросын БХЯ-ны мэдээлснээр, Дорнод цэргийн тойргоос Су-35С сөнөөгч онгоцуудыг Беларусийн аэродромууд руу илгээх ажил үргэлжилж байгаа бөгөөд эдгээр онгоцууд замдаа Төв болон Баруун цэргийн тойргуудын буудал дээр завсрын буулт хийх бол Беларусьт очмогцоо байлдааны жижүүрт гарах аж.
ОХУ ийнхүү сүүлийн үед цэргийн сургуулилалт ойр ойрхон зохион байгуулж байна. Саяхан Хятадтай хамтран Арабын тэнгист цэргийн сургуулилалт хийсэн ОХУ нэгдүгээр сарын 26-ны өдөр Баренцын тэнгист сургуулилалт эхлүүлсэн юм.
Энд дуулгахад, баруун болон Оросын хоорондын харилцаа таагүй байгаа, ОХУ Украин руу халдаж болзошгүй гэсэн таамаглал ид яригдаж байгаа энэ үед Беларусийн нутаг дэвсгэрийг ОХУ Украин руу халдах зорилгоор ашиглавал Оросын эсрэг хүчтэй хориг арга хэмжээ авна гэж АНУ мэдэгдэж байлаа.
Г.Бямбасүрэн
Уншиж байна |