• 2022-02-23

ОХУ дипломатуудаа Украинаас нүүлгэн шилжүүлнэ

img

ОХУ Украинаас дипломатуудаа нүүлгэн шилжүүлэх эрмэлзэлтэй байгаа талаар Оросын Гадаад хэргийн яамны мэдэгдэлд өгүүлжээ. Энэхүү мэдэгдэлд Украиныг элчин сайдын яамны аюулгүй байдлыг хангах олон улсын үүрэг хариуцлагаа биелүүлээгүй хэмээн буруутгасан байна. 

 

"Киев дэх Оросын ЭСЯ, Одесс, Львов, Харьковд байх манай орны Ерөнхий консулын газрууд удаа дараа халдлагад өртсөн. Оросын дипломатууд түрэмгийн үйлдлийн бай боллоо. Тэднийг сүрдүүлж, машиныг нь шатаасан" хэмээн ОХУ-ын ГХЯ-ны мэдэгдэлд өгүүлсэн байна. 

 

Түүнчлэн, эдгээр сүрдүүлгэд Киевийн эрх баригчид хариу арга хэмжээ аваагүй, Венийн конвенцоор хүлээсэн үүрэг хариуцлага байгаа ч Оросын дипломатуудыг хамгаалаагүй хэмээн цохон тэмдэглэжээ. Тиймээс ойрын үед Украинаас дипломатуудаа нүүлгэн шилжүүлнэ хэмээн мэдэгдсэн байна.

 

Энд дуулгахад, аюулгүй байдлын үүднээс АНУ дипломатуудаа Украинаас нүүлгэн шилжүүлсэн. Өмнө нь Киев дэх ЭСЯ Львовт шилжин ажиллаж байсан бол одоо Польшид байрлаж байгаа бөгөөд нөхцөл байдал тогтворжтол Польшид үйл ажиллагаа явуулах аж.

 

Г.Бямбасүрэн

СЭТГЭГДЭЛ БИЧИХ

зочин:
Монголын усан тэнэг удирдагчид (УИХ-ын дарга, Ерөнхийлөгч, Ерөнхий сайд)Украины асуудлаар дэлхийн зартай дээрэмчин Америк, Монголын минь мөнхийн хөрш агуу их Орос хоёрын хэний талд орохоо мэдэхгүй өмдөндөө шээсэн мэт алцагнаж байна.Уг бидний өвөг дээдэс их эзэн Чингэс хаан өмнө зүгт тангууд байгааг өглөө бүр сануулж бай гэж хойч үедээ захиж, эх орныхоо төлөө цогтой тэмцэгч Галданбошигт, Богд хаан, сайн ноён хан Намнансүрэн,их жанжин Сүхбаатар, Чойбалсан, суут удирдагч Цэдэнбал нар бүгдээрээ л Оросын удирдагчдыг "Баатар цагаан хаан" гэж хүндэтгэн авайлдаг байсан юм шүү. Иймээс энэ эгзэгтэй мөчид Монгол улс маш хурдан "Оросын баатар цагаан хаан" агуу удирдагч Путиныг шууд дэмжсэн мэдэгдэл гаргах нь Монголын хойшдын тусгаар тогтнолын жинхэнэ баталгаа болно шүү дээ. Даан ч манай усан тэнэг удирдагчид алцагнаад байна л даа.
2022-02-23
зочин:
Орос улс хэнийг ч эзлэн түрэмгийлээгүй. Харин АНУ, Англи, ХБНГУ, Франц мэтийн улсууд Африк тивийг бүхэлд нь, Австрали, Энэтхэг, Ойрхи дорнодын улс орнууд, Латин Америкийн улс орнуудыг цэрэг зэвсэгийн хүчээр шууд эзлэн түрэмгийлж, хүн ардыг нь алж хядан боолчиж, газар нутаг, байгалийн баялагийг нь зуу, зуун жил хуу тонон дээрэмдсэн гутамшигт түүхтэй билээ. Донецк, Луганскийн бүгд найрамдах улсуудад тусламжийн гараа сунгаж, эдгээр улсуудыг Америк, Англи, ХБНГУ, Европын дээрэмчдээс хамгаалж байгаа агуу их Орос улсыг буруутгах эрх хэнд байхгүй. Оросыг хэн буруутгана тэр жинхэнэ дээрэмчин мөн болой.
2022-02-23