Лавров: Путин Зеленскийтэй уулзахаас цааргалаагүй
2022-03-11 12:00

Гуравдугаар сарын 10-ны өдөр Туркийн Анталья хотод болсон Орос, Украины Гадаад хэргийн сайд нарын уулзалтаар Украинд гал зогсоох талаар тохиролцож чадаагүй юм. Нэн хойшлуулашгүй хүмүүнлэгийн асуудлуудыг шийдвэрлэхийн тулд 24 цагийн хугацаанд гал зогсоох талаарх асуудлыг авч хэлэлцсэн ч ямар ч үр дүнд хүрээгүй байна. 

 

Туркэд эхэлсэн энэхүү хэлэлцээг талууд цаашид үргэлжлүүлэх сонирхолтой байгаа юм. Тухайлбал, Оросын Гадаад хэргийн сайд Сергей Лавров цаашдын хэлэлцээнд зарчмын хувьд бэлэн байгаагаа илэрхийлжээ. 

 

"Бид аливаа төрлөөр харилцахыг дэмжинэ, гэхдээ ийм уулзалт нь ашиг тус авчрах ёстой" хэмээн Сергей Лавров мэдэгджээ.  Түүнчлэн ОХУ-ын Ерөнхийлөгч Владимир Путин Украины Ерөнхийлөгч Владимир Зеленскийтэй уулзахаас цааргалаагүй, гэхдээ ийм уулзалт зохион байгуулахын тулд "нэмэлт ажлуудыг хийх ёстой" хэмээн Лавров мэдэгджээ. 

 

Хэдийгээр Антальяд болсон хэлэлцээ үр дүнд хүрээгүй ч цаашид хэлэлцээ үргэлжилнэ гэж найдаж байгаагаа Туркийн Гадаад хэргийн сайд Мевлют Чавушоглу илэрхийлсэн байна.

 

"Энэ уулзалт бүх асуудлыг шийднэ гэж хэн ч тооцоолоогүй. Гэхдээ энэ бол чухал эхлэл болсон" хэмээн тэрбээр мэдэгджээ.

 

Туркийн Гадаад хэргийн сайд өгүүлснээр, гурван сайдын уулзалт "хүнд уур амьсгалд" болсон ч асуудлуудыг хэлэлцэж чадсан гэнэ. Цаашлаад ч Турк улс Орос, Украины хооронд зуучлагчаар ажиллахад бэлэн гэж Туркийн Гадаад хэргийн сайд мэдэгджээ.

 

Г.Бямбасүрэн

Shuud.mn
Сонин хачин
Ddavaa:
Tsogtbaatariin helsneer hoyulhnaa 100grammtai uulzval yuu boldog bol
2022-03-12
зочин:
Дэлхийн хоёр их дайнд ялалт байгуулж, хүн төрөлхтөнийг Америк, Английн эзлэн түрэмгийлэгчид, фашист Германы яраглалаас аварсан Оросын ард түмний ач буян хэдэн зууны туршид, хэдэн мянган жилийн туршид арилахгүй ач буян юм. Оросын ард түмэн энэ ач буяныхаа үйлийн үрийг эдэлж ямагт мандан бадарч, ялалт байгуулсаар байх болно. Мал шиг болохгүй тулд дэлхийн түүхийг уншицгаа!!!
2022-03-11
зочин:
Америк, Африк, Автрали тивийн бүх улсуудын болон Ази тивийн Энэтхэг мэтийн томоохон улсуудын уугуул иргэдийг бүгдийг нь зэр зэвсгийн хүчээр алж хядан, хүйс тэмтэрч, үлдсэнийг нь хэдэн зууны туршид олзлон боолчилж, эдгээр улсуудын байгалийн баялагийг нь хэдэн зууны туршид хуу хаман тонон дээрэмдсэн Англи, Америк мэтийн барууны орнуудын нүгэл хэдэн зууны туршид , хэдэн мянган жилийн туршид хэзээ ч арилахгүй хүн төрөлхтөний эсрэг үйлдсэн нүгэлт гэмт хэрэг юм. Энэ нүгэл хэдэн үеэр ч арилахгүй бөгөөд Англи, Америк мэтийн барууны орнууд энэ нүглийнхээ үйлийн үрийг мөнхөд эдэлсээр байх болно. Мал шиг болохгүй тулд дэлхийн түүхийг уншицгаа!!!
2022-03-11