МҮОХ-ны Гишүүдийн хурлаас зарласан ээлжит чуулган өнөөдөр буюу гуравдугаар сарын 28-ны өдөр болно. Ээлжит чуулганаар дараах асуудлуудыг хэлэлцэж шийдвэрлэнэ.

• Мандатын комиссын илтгэлийг хэлэлцэж батлах;

• МҮОХ-ны сонгуульт хугацааны тайланг хэлэлцэх;

• МҮОХ-ны Хянан шалгах зөвлөлийн сонгуульт хугацааны тайланг хэлэлцэх;

• МҮОХ-ны Ерөнхийлөгчийн сонгууль явуулах;

• Дэд ерөнхийлөгчдийн сонгууль явуулах;

• Гүйцэтгэх зөвлөлийн гишүүдийн сонгууль явуулах;

• Хянан шалгах зөвлөлийн гишүүдийн сонгууль явуулах.

Дээрх асуудлаас иргэдийн анхаарлыг хамгийн их татаж буй нь МҮОХ-ны ерөнхийлөгчийн сонгууль юм. Тодруулбал, энэ удаагийн МҮОХ-ны ерөнхийлөгчийн сонгуульд Монгол Улсын Ерөнхийлөгч асан Х.Баттулга, Олон улсын олимпын хорооны гишүүн Б.Баттүшиг, Биатлоны холбооны ерөнхийлөгч З.Мөнх-Очир нар нэр дэвшээд байгаа юм. 

М.Насан