Өмнөд Солонгосын өмнөд хэсэгт сургалт-бэлтгэлийн КТ-1 хоёр онгоц мөргөлджээ. Энэ талаар Ёнхап агентлаг мэдээлсэн байна. 

Бэлтгэлийн хоёр онгоц мөргөлдсөний улмаас гурван нисгэгч амиа алдаж, нэг нь хүнд гэмтжээ. Онгоцууд Сөүлээс өмнө зүгт 300 км зайд байрлах Сачхон дахь будааны талбайд сүйрсэн байна. Осол болсон газар руу 30 гаруй гал сөнөөгч болон аврагчийг илгээсэн гэж эх сурвалж мэдээлжээ. 

KT-1 Woongbi онгоц нь Өмнөд Солонгосын, нэг моторт, сургалт-бэлтгэлийн онгоц юм. Энэ онгоцыг "KAI" компани Өмнөд Солонгосын Зэвсэгт хүчинд зориулан үйлдвэрлэсэн бөгөөд энэ нь Өмнөд Солонгост төслийг нь гаргаж, бүтээсэн анхны онгоц юм байна. 

Г.Бямбасүрэн