ОХУ-ын Ерөнхийлөгч Владимир Путин "тусгай цэргийн ажиллагаа" явуулах тушаалд хоёрдугаар сарын 24-ний өдөр гарын үсэг зурсан. Ингээд мөн өдөр Оросын арми хөрш Украин руу халдсанаас хойш сар гаруйн хугацаа өнгөрөөд байна. Энэ хугацаанд Оросын тал ихээхэн хохирол амссан гэх мэдээллийг барууны болон Украины хэвлэл, Зэвсэгт хүчний штаб мэдээлж байгаа ч Оросын тал хохирлынхоо талаар албан ёсоор мэдээлэхгүй байгаа юм. 

Мөн гадаадын зарим хэвлэлээр ОХУ "бага ястнууд, тэр дундаа буриадуудыг олноор нь галын шугам руу илгээж байгаа" гэх мэдээлэл тархах болсон. Энэ мэдээлэл үнэний ортой байх магадлалтай бөгөөд учир нь Буриадад 14 цэргийн анги нэгтгэл байдаг. Эдгээр анги нэгтгэлүүдээс хичнээн цэргийн алба хаагчийг фронт руу илгээсэн нь тодорхойгүй. 

Хэвлэлүүдийн мэдээлснээс харахад, Буриадын харьяат цэргийн алба хаагчид Украинтай хийж буй дайнд олноороо амиа алдсан байна. Тодруулбал,  Буриадын "Номер один" сонинд нийтлэгдсэн, амиа алдсан цэргүүдийн тухай болон тэдэнтэй салах ёс хийсэн талаарх албан мэдээллийг шүүхэд, гуравдугаар сарын тавнаас дөрөвдүгээр сарын дөрөвний хооронд гэхэд л Буриадын харьяат 30 гаруй цэргийн алба хаагч энэ дайнд амиа алджээ. 

Буриадын анги нэгтгэлүүдээс фронтын шугам руу явж, амиа алдсан цэргийн алба хаагчдын хамгийн залуу нь 20 настай бол хамгийн ахмад нь 45 настай байгаа юм. 

Г.Бямбасүрэн