Сүүлийн жилүүдэд Канадад орон сууцны үнэ 50 хувиар өсчээ. Орон сууц эсвэл байшин худалдан авах нь Канадын оршин суугчдын биелэшгүй мөрөөдөл болсон гэж Канадын хэвлэлүүд бичсэн байна.
Үл хөдлөх хөрөнгө ийм өндөр үнэтэй болсон тул орон сууцны хямралыг шийдэх үүднээс хатуу хязгаарлалт тавихаар тус улсын Засгийн газар төлөвлөж байгаа талаар ВВС мэдээлжээ. Хязгаарлалтын хүрээнд хоёр жилийн хугацаанд гадаадын иргэдийг Канадад орон сууц худалдан авахыг хориглохоор төлөвлөж байгаа гэнэ. Харин энэ хориг нь арилжааны зориулалттай үл хөдлөх хөрөнгөд хамаарахгүй аж.
Шинэ хязгаарлалтад Канадад оршин суух эрхтэй гадаадын иргэд, Канадын их дээд сургуульд суралцдаг оюутнууд болон хууль ёсны хөдөлмөрийн цагаачид хамаарахгүй юм байна.
Г.Бямбасүрэн
Уншиж байна |