Оросын цэргүүд Украины хойд нутгуудаас гарсны дараа тэдний үйлдсэн цэргийн гэмт хэргүүдийг нотлох баримтууд гарч ирсээр байна гэж Их Британийн Батлан хамгаалах яам мэдээлжээ. Батлан хамгаалах яам дөрөвдүгээр сарын 10-ны өдрийн Британийн тагнуулын тайланг Твиттер хуудсандаа нийтэлсэн байна.
"Оросын цэргийн алба хаагчид Украины хойд нутгаас гарсны дараа ОХУ-ын цэргүүд үйлдсэн байж болзошгүй цэргийн гэмт хэргүүдийн нэмэлт нотолгоонууд олдсоор байна. Үүнд Украины энгийн иргэдийн булш хамаарна. Оросын цэргийн алба хаагчид бэлгийн хүчирхийлэл үйлдсэн талаарх ч мэдээлэл бий" хэмээн мэдээлэлд өгүүлжээ.
Энд дуулгахад, Украины олон хотод Оросын цэргүүд цэргийн гэмт хэрэг үйлдсэн гэж Украин мэдэгдэж, олон улсын зүгээс үүнийг буруутгаж, ОХУ-ыг олон улсын шүүхэд шилжүүлэх талаар яригдаж, хэргийг хараат бус байдлаар шалгахыг уриалж байгаа бол ОХУ үүнийг няцааж байгаа юм.
Г.Бямбасүрэн
Уншиж байна |