Австрали улс Оросын компаниудын эсрэг эдийн засгийн хориг арга хэмжээний шинэ багц авч хэрэгжүүлэхээр болжээ. Энэ багцад газрын тосны олборлолт, хөлөг онгоцны үйлдвэр болон бусад үйл ажиллагаатай холбоотой 14 компани багтсан гэж Австралийн Засгийн газар мэдэгдсэнийг ТАСС агентлаг дамжуулсан байна.
Тодруулбал, шинэ хоригт "Газпром", "Газпром нефть", "Транснефть" зэрэг түлш, эрчим хүчний компаниуд, "Совкомфлот", Шинэ Оросын тэнгисийн худалдааны боомт зэрэг байгууллагууд багтсан байна. Мөн Оросын "Камаз" автомашин, хөдөлгүүр үйлдвэрлэгч компани, алмаз олборлогч "Алроса" зэрэг компаниуд хоригт багтсан байна.
Энд дуулгахад, Орос улс өнгөрсөн долоо хоногт Австралийн 228 иргэнийг хар жагсаалтад багтаасан бөгөөд тэдний дунд Австралийн Ерөнхий сайд Скотт Моррисон ч байгаа аж. Ийм арга хэмжээ нь "Путинд ойр" Оросын бизнесменүүдийн эсрэг Австрали улс хориг тавьсны хариу гэнэ.
Г.Бямбасүрэн
| Уншиж байна |