Хонконгт коронавирусийн халдварын тархалыг хумих үүднээс авч хэрэгжүүлсэн хязгаарлалтын арга хэмжээнүүдийг сулруулж эхэлсэн талаар South China Morning Post сонин мэдээллээ. 

Эх сурвалжийн мэдээлснээр, Хонконг энгийн амьдралдаа аажмаар шилжиж, бэлтгэлийн танхим, гоо сайхны салон, цэнгэлдэх хүрээлэн, кино театруудыг нээж байгаа гэнэ. Түүнчлэн ихэнх сургуулиуд танхимаар хичээллэж эхэлжээ. 

Коронавирусийн халдвар тархсаны улмаас Хонконгт олон нийтийн газрууд дөрвөн сарын хугацаанд хаалттай байсан юм. Харин сүүлийн долоо хоногт өдөрт бүртгэгдэх дотоодын халдвар мянгаас доош байгаа тул хязгаарлалтуудыг сулруулж эхэлсэн байна. Гуравдугаар сарын эхээр энэ хотод өдөрт илрэх халдварын тоо оргил үедээ 70 мянгад хүрч байв.

Г.Бямбасүрэн