ОХУ Марк Цукербергийн эсрэг хориг тавьжээ
2022-04-22 15:00

Хоёрдугаар сарын 24-ний өдөр ОХУ Украин руу халдсанаас хойш барууны орнууд Оросын эсрэг төрөл бүрийн хориг арга хэмжээ тавьж, үүний хариуд ОХУ ч ижил алхам хийж байгаа юм. 

 

Энэ удаад ОХУ АНУ-ын 29 иргэний эсрэг хориг арга хэмжээ тавьжээ. Тэдний дунд АНУ-ын Дэд ерөнхийлөгч Камала Харрис болон Meta компанийн ерөнхий захирал Марк Цукерберг нар багтсан байна. Түүнчлэн Канадын 61 иргэний эсрэг хориг тавьсан гэж ОХУ-ын Гадаад хэргийн яам мэдэгдсэнийг Синхуа агентлаг дамжуулжээ. 

 

АНУ-ын Ерөнхийлөгч Жозеф Байдены захиргаа Оросын эсрэг тавьсан хориг арга хэмжээний хариу болгон Америкийн нийт 29 иргэнийг хоригт багтаасан бөгөөд эдгээр хүмүүсийг Орос руу нэвтрүүлэхгүй аж.  Хар жагсаалтад орсон Канадын иргэд ч Орос руу нэвтрэх эрхгүй, ойрын үед жагсаалтыг өргөжүүлнэ гэж ОХУ-ын ГХЯ онцолсон байна.

 

Г.Бямбасүрэн

Shuud.mn
Сонин хачин