Дөрөвдүгээр сарын 21-ний өдөр Афганистаны хойд хэсэгт хоёр дэлбэрэлт болсны улмаас 34 хүн амиа алдаж, 102 хүн шархадсан талаар орон нутгийн хэвлэлүүд мэдээлжээ.

Khaama Press агентлагийн мэдээлснээр, Балх мужийн төв Мазари-Шариф хотын нэг сүмд дэлбэрэлт болсны улмаас 30 гаруй сүсэгтэн амиа алдаж, 80 хүн шархадсан гэнэ. Үүнээс 15 минутын дараа хөрш зэргэлдээ орших Кундуз мужид дахин нэг дэлбэрэлт болсны улмаас дөрвөн хүн амиа алдаж, 22 хүн шархаджээ. 

Цагдаагийн газрын мэдээлснээр, Кундуз хотын захад цэргийнхнийг суулгасан автомашин зам дээр суурилуулсан бөмбөгт өртөн дэлбэрчээ. Эдгээр дэлбэрэлтүүдийн талаар албан ёсны тайлбар мэдэгдэл гараагүй, мөн аль ч бүлэглэл хэргийн хариуцлагыг өөр дээрээ аваагүй байгаа гэж Синхуа мэдээлжээ. 

Г.Бямбасүрэн