БНАСАУ энэ сард шинэ цөмийн туршилт хийж болзошгүй гэж АНУ үзэж байгаа аж. Энэ талаар Цагаан ордны хэвлэлийн нарийн бичгийн дарга Жен Псаки пүрэв гарагт болсон хэвлэлийн бага хурлын үеэр мэдэгджээ. 

"Тавдугаар сард БНАСАУ шинээр туршилт хийхэд бэлдсэн байж болзошгүй гэж АНУ үзэж байгаа.  Энэ нь ийм төрлийн туршилтын долоо дахь нь болно. Бид холбоотнууд болон түншүүдтэйгээ мэдээлэл солилцож, нягт хамтран ажиллаж байгаа" гэж Жен Псаки мэдэгдсэн байна.

АНУ-ын Ерөнхийлөгч Жо Байден тавдугаар сарын 20-24-ний өдрүүдэд Өмнөд Солонгос, Японд айлчлах болсон талаар Жен Псаки мэдээлэл хийхдээ Байден айлчлалынхаа үеэр БНАСАУ, БНСУ-ын цэрэггүй бүсэд зочилж магадгүй хэмээжээ. 

Г.Бямбасүрэн