ОХУ ойрын өдрүүдэд Финланд руу хий нийлүүлэхээ зогсоож магадгүй гэнэ. Энэ талаар улс төрчдөөс авсан эх сурвалжтайгаар Евроньюс мэдээлжээ.
Эх сурвалжийн мэдээлснээр, Финланд улс НАТО-д элсэхээр шийдсэний хариуд ОХУ хий нийлүүлэлтээ зогсоож болзошгүй гэнэ. Финландын улс төрчдийн таамаглаж байгаагаар ОХУ тавдугаар сарын 23-ны өдрөөс эхлэн хий нийлүүлэлт зогсож болзошгүй аж. Учир нь энэ өдөр Финланд хуваарийн дагуу ээлжит төлбөрөө хийх бөгөөд ОХУ-ын шаардсанаар рублиэр төлөхөөс татгалзаж байгаа нь Оросын талаас хий нийлүүлэлтийг зогсоох шалтаг болно гэж улс төрчид үзжээ.
Өмнө нь мөн ийм байдлаар Польш, Болгар руу хий нийлүүлэхээс татгалзаж байв. Гэсэн ч Финландын засгийн газар гаргасан шийдвэрээ өөрчлөлгүй, рублиэр төлбөр хийхгүй гэж удаа дараа мэдэгдэж байлаа.
Г.Бямбасүрэн
Уншиж байна |