Афганистан Оросоос байгалийн хий, газрын тос худалдан авах эрмэлзэлтэй байгаа бөгөөд эдгээр түүхий эдийг нийлүүлэх зохих хэлэлцээр байгуулах хүсэлтэй байгаа гэнэ. Энэ талаар талибын засгийн газрын төлөөлөгч Жамал Насир Гарвал мэдэгдсэн байна. 

"Бидний хооронд бизнес, санхүүгийн тал дээр хэлэлцээ явагдаж байгаа. Харилцаагаа урагшлуулахын тулд бид Оростой эдийн засгийн хамтын ажиллагаагаа хөгжүүлэхийг хүсэж байна. Тухайлбал, байгалийн хий, газрын тос худалдан авах эрмэлзэлтэй байгаа юм" хэмээн Жамал Насир РИА Новости агентлагт өгсөн ярилцлагадаа өгүүлсэн байна.

Түүний онцолсноор ОХУ- тай бүтээгдэхүүн нийлүүлэх хэлэлцээр байгуулах эрмэлзэлтэй байгаа бөгөөд өмнө нь хийн хоолойн төслийг хэрэгжүүлэхэд саад болж байсан саад тотгор, аюул занал одоо үгүй болсон гэнэ.

Г.Бямбасүрэн