Өнөөдрийн байдлаар Сибирийн бүс нутагт 77 ойн түймэр асаж байгаа бөгөөд түймэр 27,7 мянган га газрыг хамарсан гэж Оросын ой хамгаалах газраас авсан эх сурвалжтайгаар  Коммерсант мэдээлсэн байна. 

Эх сурвалжийн мэдээлснээр, Орос даяар 96 түймэр асаж, 28,6 га газрыг хамарчээ. Нөхцөл байдал хамгийн хүнд байгаа бүс нутаг нь Красноярск хязгаар бөгөөд энэ мужийн нутаг дэвсгэр дээр 28 түймэр асаж, 14 га газрыг хамарсан байна. 

Харин Эрхүү мужид нийт найман га газрыг хамарсан 21 ойн түймэр асаж байгаа аж. Энэ түймрийн утаа Эрхүү, Буриадын нутгийг  бүрхэж байгаа талаар Регнум агентлаг мэдээлсэн байна. Тодруулбал, Красноярск, Эрхүү мужаас ирсэн түймрийн утаа Улаан-Үд хот, Бабушкин тосгон, Горячинск, Кабанск, Сухая зэрэг суурингуудад тархсан байна. 

Улмаар сүүлийн өдрүүдэд бусад аймгууд, тэр дундаа Монголтой залгаа Хиагтын аймагт түймрийн утаа ихээр орж ирсэн нь Монголын Сэлэнгэ аймаг, цаашлаад бусад бүс нутгуудад ч тархжээ. 

Г.Бямбасүрэн