Украин улс нутаг дэвсгэрийн бүрэн бүтэн байдлаа бүрэн сэргээж ялалт байгуулах нь ОХУ, Украины дайны хамгийн сайн төгсгөл болно гэж Польшийн Ерөнхийлөгч Анжей Дуда үзэж байгаа аж. Тэрбээр энэ талаар Polski Times сонинд ярилцлага өгөх үеэрээ мэдэгджээ. 

Сэтгүүлч түүнээс Украины эсрэг дайн хэзээ зогсоно гэж таамаглаж байгаа талаар асуухад тэрбээр дараах хариултыг өгсөн байна.

"Украин олон улсад хүлээн зөвшөөрөгдсөн хилийнхээ хүрээнд бүхий л нутаг дэвсгэрээ олж авснаар энэ дайн дуусаасай гэж би хүсэж байна. Энэ надад, Польшид, ирээдүйн хувьд ч тун чухал" хэмээн Анжей Дуда мэдэгджээ. 

Түүнчлэн, Польш улс Украин нутаг дэвсгэрийнхээ бүрэн бүтэн байдлыг сэргээнэ гэдэгт ихээхэн найдаж байгаагийн дээр Украинд бүх талын дэмжлэг үзүүлнэ хэмээн цохон тэмдэглэсэн байна.

Г.Бямбасүрэн