Агаарын шоуны үеэр хоёр сөнөөгч онгоц мөргөлджээ
2022-05-23 09:33

Францад болсон агаарын шоуны үеэр хоёр Рафэль сөнөөгч онгоц мөргөлдсөн талаар ВВС агентлаг мэдээлжээ. 

 

Эх сурвалжийн мэдээлснээр, энэ осол тавдугаар сарын 22-ны өдөр, Коньяк тосгоны нутаг дэвсгэр дээр болсон байна. Хоёр онгоц мөргөлдсөний улмаас нэг онгоцны сүүлэн хэсэг гэмтэж, онгоцны хэлтэрхий Женсак-ла-Паллю тосгон дахь орон сууцны барилга дээр унажээ.

 

Ослын үеэр хоёр нисгэгч амжилттай газардаж чадсан гэнэ. Мөн онгоцны хэлтэрхий унасны улмаас хүний амь нас эрсдээгүй, гэмтэж бэртсэн хүн гараагүй аж. Одоо холбогдох албаныхан онгоц мөргөлдсөний шалтгааныг тодруулахаар ажиллаж байгаа гэнэ.

 

Г.Бямбасүрэн

Shuud.mn
Сонин хачин