Бага насны хоёр хүүхэд тогтоол усанд живж энджээ
2022-05-23 15:40

Цагдаагийн байгууллагын 102 дугаарын утсанд 2022 оны 05 дугаар сарын 22-ны өдрийн 20 цагт "Дархан-Уул аймгийн Орхон сумын нутагт бага насны 2 хүүхэд тогтоол усанд живж нас барсан байна” гэсэн дуудлага, мэдээлэл иржээ.

 

Дуудлага, мэдээллийг тус аймаг дахь цагдаагийн газраас шалгахад тус суманд оршин суух 6 настай, эрэгтэй “Т”, 7 настай, эрэгтэй “Э” нар нь тогтоол усанд живж нас барсан байна. Шалгалтын явцад 1 мерт 40 сантиметрийн гүнтэй байгалийн тогтоол усанд хүүхдүүд тоглохоор орсон байдал тогтоогдож байна.

 

Иймд эцэг эх, асран хамгаалагчид бага насны хүүхдүүддээ ахуйн осол гэмтлийн талаар мэдээлэл өгөх, хараа хяналт тавих, орчны эрсдлээс урьдчилан сэргийлэхийг цагдаагийн байгууллагаас зөвлөж байна.

Shuud.mn
Сонин хачин
зочин:
Энэ голын эргээр ухсан карьеруудын гүнийг багасгаад 50-80 см гүнтэй болгоод жаахан голын урсгал оруулж гаргаж усыг нь цэвэршүүлдэг байдлаар янзлаад өгвөл хүүхдүүд тоглох усанд ороход нь аятайхан болмоор санагдах юм.
2022-05-24