Өмнө нь Японы сайд нарын танхимын Ерөнхий нарийн бичгийн даргын алба хашиж байсан, одоо парламентын доод танхимын даргаар ажилладаг 78 настай Хироюки Хосоду секс дуулианд нэр холбогдсон талаар КП мэдээлжээ. 

Эх сурвалжийн мэдээлснээр, Хироюки Хосуда сэтгүүлч эмэгтэйчүүд болон нэг намын эмэгтэйчүүд рүүгээ утсаар ярьж, гэртээ урьж, эмэгтэйчүүдийг нууц амраг, хайр сэтгэлийн холбоотой хүн байгаа эсэхийг мэдэхээр асууж шалгаадаг байсан гэнэ.Мөн түүний сонгуулийн штабт ажиллаж байсан эмэгтэйд бэлгийн дарамт учруулж байсан гэсэн мэдээлэл гарчээ.

Японы хэвлэлүүдээр ахмад улс төрийн бэлгийн дарамтыг гэрчлэх баримтууд гарсан ч Хосода үүнийг эрс няцааж, шүүхэд тайлбар гаргана хэмээн мэдэгдсэн байна. Японд энэ төрлийн шуугианд нэр холбогдсон хүний хувьд байдал төвөгтэй болж, баримтууд батлагдахгүй хэдий ч улс төрчид огцрох, ирэх сонгуулиудад саналаа алдах зэрэг олон эрсдэлийг даван туулах хэрэгтэй болдог юм. 

Г.Бямбасүрэн