Сүүлийн үед АНУ-д галт зэвсэг ашиглан үйлдсэн хэрэг ихээр гарч, олон хүний амь нас эрсдэж байгаа юм. Хамгийн сүүлд гэхэд л тавдугаар сарын 30-ны өдөр фестивалийн үеэр зэвсэгт этгээд гал нээсний улмаас нэг эмэгтэй алдаж байлаа. Энэ хэрэг гарснаас ердөө хоёрхон хоногийн дараа дахин ноцтой хэрэг гарчээ. 

ВВС агентлагийн мэдээлснээр, АНУ-ын Оклахома мужийн Талса хотод зэвсэглэсэн эр эмнэлгийн нутаг дэвсгэр дээр гал нээж, дөрвөн хүний аминд хүрчээ.Талса хотын цагдаагийн газрын мэдээлснээр, Гэгээн Францискийн эмнэлэг дээр дуудлагаар ирэхэд хэргийн газарт таван хүн амиа алдсан байсан гэнэ. Тэдний нэг нь хэрэг үйлдсэн этгээд бөгөөд тэрбээр өөрийгөө буугаар шархдуулсны улмаас нас барсан гэж цагдаагийнхан мэдээлжээ. 

Энд дуулгахад, ердөө хоёр хоногийн өмнө фестивалийн үеэр гал нээж нэг хүний аминд хүрсэн хэрэг гарсан бол тавдугаар сарын 24-ний өдөр Техассын бага сургууль руу зэвсэгт этгээд халдаж, 19 хүүхэд, хоёр багшийн аминд хүрсэн юм.Үүнээс өмнө, Буффало хотод арьс өнгөөр ялгаварлан гадуурхагч мөн л галт зэвсэг ашиглан 10 хүний аминд хүрсэн ноцтой хэрэг гарч байв. 

Г.Бямбасүрэн