Оросын хошууч генерал Роман Кутузов байлдааны ажиллагааны үеэр амиа алдсан гэх мэдээлэл зургадугаар сарын тавны өдөр Украин төдийгүй Оросын зарим хэвлэлээр гарсан. ОХУ түүний үхлийн талаар албан ёсны мэдэгдэл хийгээгүй, харин Украины Зэвсэгт хүчин генерал Кутузовыг устгасан хэмээн мэдэгджээ. 

"Дынырийн (өөрсдийгөө тунхагласан Бүгд Найрамдах Донецк Ард Улсыг Украинд ийн нэрлэдэг) армийн нэгдүгээр корпусын командлагч, хошууч генерал Роман Кутузовыг устгасан" хэмээн Украины Зэвсэгт хүчний стратегийн харилцааны газар мэдээлснийг Украины үнэн сонин дамжуулжээ. 

Орос, Украины хэвлэлүүд түүнийг Луганск мужийн Попаснянск районы Николаевка сууринд байлдааны ажиллагааны явцад амиа алдсан гэж мэдээлж байсан юм. 

Г.Бямбасүрэн