Хятадын Хубэй мужийн Сянъян хотод сургалтын нислэгийн үеэр сөнөөгч онгоц орон сууцан дээр унасан хэрэг гарчээ. Энэ талаар news.cn мэдээлсэн байна. 

Эх сурвалжийн мэдээлснээр, зургадугаар сарын есний өдөр Хубэй хотын Сянъян хотод сургалтын нислэгийн үеэр J-7 сөнөөгч онгоц орон сууцны хороололд унажээ. Энэ ослын улмаас нэг хүн амиа алдаж, хоёр хүн шархадсан байна. Харин сөнөөгч онгоцны нисгэгч шүхрээр онгоцноос газарджээ. 

Онгоцны нисгэгч болон ослын үеэр гэмтсэн хоёр хүнийг эмнэлэгт хүргэсэн, биеийн байдал хэвийн байгаа гэнэ. Одоо холбогдох албаныхан ослын шалтгаан болон ослын улмаас хүн амиа алдсан хэргийг шалгаж байгаа аж.