Чингис хааны музейд залагдсан таван тамганы учир
2022-06-22

Чингис хаан музейн нүүрэн талд Монголын Эзэнт гүрний таван их хааны тамга залагдлаа. Чингис, Өгэдэй, Гүюг, Мөнх, Аригбөх нарын эдгээр таван их хааны тамгыг Түүхийн ухааны доктор Б.Нямаагийн зөвлөснөөр МУЭ-ийн шагналт зураач Б.Төмөрбаатар тэргүүтэй зураач, барималч, дархчууд урлахдаа Монголын археологийн түүхэнд олдсон хосгүй үнэт дурсгалуудаар тойруулан чимсэн байна. Тухайлбал, Чингис хааны тамгыг Архангай аймгийн Өндөр-Улаан сумын нутаг дахь Гол мод II дурсгалт газрын Хүннүгийн хааны 1 дүгээр булшнаас илэрч олдсон дугуй хэлбэрийн хөөмөл алтан чимэг дээрх ирвэсийн дүрстэй домгийн амьтан болох бэрсээр ороон чимэглэжээ.

 

 

Аливаа улс орны сүлдэнд өөрийнх нь газар нутгаас илэрсэн археологийн олдвор дээрх өвөг дээдсийнх нь сүр хүчний бэлгэдэл болсон дүрс агуулагдсан байдаг. Энэ жишгээр таван их хааны тамга тус бүрийн дээд талд эртний төрт улсуудын сүлд шүтээн шонхор, галт шувуу зэргийг дүрсэлсэн бол тамганы доод талд тухайн хааны үед хэрэглэж байсан зоосон мөнгийг урлажээ. Их хаадын дэлдүүлсэн эдгээр зоосон дээр тухайн хааны нэр, тамгыг дүрсэлсэн байдаг.

 

Сонирхуулахад, Гол мод II дурсгалт газрын шаньюйгийн 1 дүгээр булшны 3 дугаар дагуул булшнаас 200 гаруй шагай олдсон байдаг. Тэр дунд дөрвөн тамгатай шагай байжээ. Тэдгээр шагайн дээрх онгин тамга нь хожмын Чингис хааны, дэгрээ тамга нь Өгэдэйн, сэрээ тамга нь Мөнхийн удам угсааны тамгатай адил байсан нь түүх үргэлжилж ирсний нэг баталгаа болсон юм.

 

Музейн нүүрэн дээр таван их хааны тамгыг байршуулахдаа, музейн анхны зураг төслийн дагуу тамга хоорондын зайг яг ижил хэмжээнд бариагүй нь ч мөн бэлгэдэл бодсон хэрэг юм. Өөрөөр хэлбэл, барилгын нүүрэн талын гурван баганаар эрт, эдүгээ, ирээдүй гурван цагийг төлөөлүүлсэн бөгөөд баруун талын гурван тамга буюу Өгэдэй, Гүюг, Чингис хаадын тамгыг багана тус бүрийг дагуулж байрлуулсан байна.

 

Shuud.mn
Сонин хачин
Мөн ч дураараа солиорох юмаа, тушаадаг чи хэн гэгч шизо вэ.
2022-07-06
Тийм. Тайчууд, Таргуд гээд нууц товчоонд гарлаг эртний овгууд Дөрвөд дотор бий. Манжийн сүрэгчин хошууг Халх, Ойрадаас байгуулахад ирсэн ойрадууд мөн тамгаа хэрэглэсээр зууүай гэж нэрлэсэн, тэд Дарьгангачууд бөлгөө.
2022-06-22
тэр алтан шонхороо томруул:
барилгын орой дээр байгаа алтан шонхор арай л бичигхээн хэлбэртэй байна.. ядаж 3 дахин томоор хийсэн бол гоё сүртэй харагдах байлаа... болохгүй бол хайлуулаад дахиад хий..
2022-06-22
Мөн ч дураараа солиорох юмаа, тушаадаг чи хэн гэгч шизо вэ.
ggg:
ЛОГИКООР БОДООЧ МОНГОЛООС ДЭЛХИЙН БҮХ СОЁЛ ЭХТЭЙ.
2022-06-22
Өмнөх зургаараа хийчихсэн бол хамаагүй гоё цэвэрхэн харагдах байлаа.
2022-06-22
За лав Өгээдэй хааныхаа Дэгрээ тамгын бид Увсад одоо ч гэсэн хэрэглэж байна. Аригбөхийн тамга хуучны баядуудын симбол навчин хээнээс санаа авч хийгдсэн юм шиг.
2022-06-22
Тийм. Тайчууд, Таргуд гээд нууц товчоонд гарлаг эртний овгууд Дөрвөд дотор бий. Манжийн сүрэгчин хошууг Халх, Ойрадаас байгуулахад ирсэн ойрадууд мөн тамгаа хэрэглэсээр зууүай гэж нэрлэсэн, тэд Дарьгангачууд бөлгөө.
Bairluulahaasaa umnu l ingeed tailbar hiichihgui. Baahan humuusiig margalduilj taltsuulaad.
2022-06-22