Монгол Улсын Ерөнхийлөгч У.Хүрэлсүхийн өгсөн үүрэг, чиглэлийн дагуу Засгийн газраас Хөвсгөл нуурыг хамгаалах ажлыг эрчимжүүлэхээр “Хөвсгөл нуурыг хамгаалах байнгын ажлын хэсэг”-ийг ирэх 7 хоногт байгуулахаар болжээ.

Ажлын хэсгийг БОАЖ-ын сайд Б.Бат-Эрдэнэ ахлан ажиллана. Байнгын ажиллах ажлын хэсэг “Хөвсгөл нуурыг хамгаалах үндэсний чуулган”-аас гарсан зөвлөмжийг хэрэгжүүлж, Хөвсгөл нуурыг хамгаалах дөрвөн чиглэлээр нийт 26 ажлыг хэрэгжүүлэхээр төлөвлөжээ.

Мөн тус ажлын хэсгийн төлөөлөл сар бүр Хөвсгөл аймагт ирж дээрх ажлуудаа хянаж, шалган хэрэгжилтыг ханган ажиллах юм.