Хэлэлцээр хийхэд бэлэн тухай Оросын мэдэгдлүүд бүгд худал, учир нь ОХУ Украины өмнөд хэсэг рүү хүчээ зузаатгаж байгаа хэмээн Украины Ерөнхийлөгч Владимир Зеленский мэдэгджээ. 

"Алан хядагч улс хэлэлцээр хийхийг хүсэж байгаа талаар их л ярих болсон. Орос үнэхээр л дайн дуусгахыг хүсэж байсан бол Украины өмнөд хэсэг рүү нөөцөө татаж, Украины нутаг дэвсгэр дээр гэм зэмгүй хүмүүсийн булшийг үүсгэхгүй байх байсан юм" хэмээн Зеленский мэдэгджээ. 

Энд дуулгахад, ОХУ-ын Ерөнхийлөгчийн хэвлэлийн төлөөлөгч Дмитрий Песков "Орос Украинтай энхийн хэлэлцээ хийхэд бэлэн" хэмээн наймдугаар сарын гуравны өдөр мэдэгдсэн юм. Түүнчлэн Германы канцлер асан Герхард Шредер Владимир Путинтэй уулзсаныхаа дараа Путинийг дипломат хэлцэлд нээлттэй байгаа хэмээн мэдэгдэж байв.

Г.Бямбасүрэн