Хятадын Фужянь мужид байх, 900 жилийн настай, хамгийн урт гүүр шатаж, нуржээ. Энэ талаар Жэнминь жибао сонин мэдээлсэн байна. 

Одоогоос 917 жилийн өмнө, Сүн гүрний үед (960-1279 он) баригдсан гүүрний модон хэсэг бүхэлдээ галын улмаас ердөө 20 минутын дотор сүйджээ. Орон нутгийн цагдаагийнхан хэргийг шалгаж байгаа бөгөөд гал гарах болсон шалтгаан одоогоор тодорхойгүй байгаа гэнэ. 

Эртний гүүр шатсаны дараа олон нийт эртний модон архитектурыг хамгаалах тал дээр авах арга хэмжээгээ нэмэгдүүлэхийг эрх баригчдадаа уриалсан байна. Ваньань гүр нь 98,2 метр урттай, 4,7 мерт өргөнтэй байжээ. Энэ гүүр нь 1742 онд шатаж, дараа нь сэргээн засварлаж байсан аж. 2006 онд энэ байгууламжийг үндэсний төвшний хамгаалалтад байх объектуудын жагсаалтад багтааж байжээ.

Г.Бямбасүрэн