Яармагийн замд байгуулж буй нүхэн гарцын зам барилгын ажлыг төлөвлөгөөт хугацаанаас нь 11 хоногийн өмнө гүйцэтгэж дуусан, замын хөдөлгөөнийг нээжээ. Үргэлжлүүлэн явган хүний орц, гарцыг хийх юм байна.

Явган зорчигчдын орох, гарах хэсгийг хөгжлийн бэрхшээлтэй болон дугуйт хэрэгсэлтэй иргэд зорчих боломжтой байлгахын тулд налуу зам болон шаттай хийж, бороо орсон үед нүхэн гарц усанд автахаас сэргийлэн ус зайлуулах, шүүрүүлэх худгийг мөн суурилуулж байгаа аж.