Жин дутуу будаа савлаж, худалдан борлуулсан иргэнийг торголоо
2022-08-16 10:52

Шударга өрсөлдөөн, хэрэглэгчийн төлөө газраас агентлагийн даргын 2022 оны зургаадугаар сарын 20-ны өдрийн 01/13 дугаартай удирдамжийн дагуу зах зээлд худалдан борлуулагдаж буй будааны савлагаа, хаяг шошгололтын мэдээлэл нь хууль тогтоомжид нийцэж байгаа эсэхэд хяналт шалгалт хийжээ.

 

Хяналт шалгалтын явцад хаяг шошгололтын мэдээлэл нь стандартын шаардлага хангадаггүй, жин хэмжээндээ хүрдэггүй, савласан будааны оноосон нэр нь хэрэглэгчдийг төөрөгдүүлж байгаа зэрэг зөрчил, дутагдал илэрсэн байна.

 

Тодруулал “Бамбарууштай будаа” гэх нэртэй савласан будааны шошгололт дахь жингийн хэмжээ нь зөрүүтэй буюу жин дутуу будааг савлаж, худалдан борлуулсан иргэнд Зөрчлийн тухай хуульд заасны дагуу мөнгөн торгууль оногдуулж, Улсын байцаагчийн хугацаатай албан шаардлагыг хүргүүлэн ажиллалаа хэмээн ШӨХТГ-аас мэдээллээ.  

 

 

Эх сурвалж: ШӨХТГ

Shuud.mn
Сонин хачин
123:
Болж болж. Яах гэж бусдыгаа хуурч, хулхидаж ашиг олох гэж чичирч байдаг байнаа
2022-08-16