ОХУ-ын Дорнын эдийн засгийн форум өнөөдөр эхэлж байна. Владивосток хотноо энэ сарын 5-8-ны хооронд явагдах форумд Оросын Ерөнхийлөгч Владимир Путин оролцоно гэж Интерфакс мэдээлжээ.

Эх сурвалжийн мэдээлснээр, Путин есдүгээр сарын долооны өдөр форумын нэгдсэн хуралдаанд оролцож үг хэлэх аж. Мөн хуралдаанд Мьянмарын Зэвсэгт хүчний ерөнхий командлагч Мин Аун Хлайн, Арменийн Ерөнхий сайд Никол Пашинян, Монгол Улсын Ерөнхий сайд Л.Оюун-Эрдэнэ, Бүх хятадын Ардын төлөөлөгчдийн хурлын Байнгын хорооны дарга Ли Жаньшу нар оролцох юм байна.

Мөн есдүгээр сарын долооны өдөр Владимир Путин форумд урилгаар оролцож буй гадаадын төрийн тэргүүнүүдтэй хоёр талт уулзалт хийхээр төлөвлөсөн талаар Кремлийн хэвлэлийн алба мэдээлжээ.

Г.Бямбасүрэн