Есдүгээр сарын 8-нд Variety сайтын мэдээлснээр жүжигчин Ли  Жун Жэ  удахгүй Disney+ сувгаар гарах "Оддын дайн" цувралын "The Acolyte"-д эрэгтэй гол дүрд тоглох нь батлагджээ. Энэхүү кино Ли Жун Жэ-гийн "Squid Game" кинонд тоглосноос хойших хоёр дах гол дүр юм. 

Уг цувралын эмэгтэй гол дүрээр Амандла Стенберг, Жоди Тернер-Смит нар тоглоно. Мөн "Орос хүүхэлдэй" киноны хамтран бүтээгч Лесли Хедланд шоуны хөтлөгч, найруулагч, зохиолч, гүйцэтгэх продюсерын үүргийг гүйцэтгэх аж. 

Variety-ийн мэдээлснээр, "The Acolyte" нь "Оддын дайн: I Episode - The Phantom Menace"-ээс бүтэн зуун жилийн өмнөх үйл явдлаар тавигдах тул "Оддын дайн"-аас илүү цаг хугацааг ухрааж харуулах юм. 

Энэхүү цуврал нь "Жедичууд хамгийн хүчирхэг байсан бөгөөд Ситийг галактикаас устгасан гэж үздэг байсан Өндөр Бүгд Найрамдах Улсын эриний оргил үед галактикийг дүрсэлсэн" гэж үздэг.

Өмнөд Солонгосын жүжигчин, загвар өмсөгч Ли Жун Жэ 1972 оны 12-р сарын 15-нд төрсөн.

Тэрээр загвар өмсөгчийн хувьд дебют хийж, дараа нь Feelings (1994), алдарт “Sandglass” (1995), An Affair (1998) киноноос жүжигчний кареераа эхлүүлсэн.  Түүний тоглосон кинонуудаас нэрлэвэл Il Mare (2000), Солонго дээгүүр (2002) , Last Present (2001) мелодрама, Хөөх Ах дүү нар (2003),  Сүүлчийн гэрч (2001) , Тайфун (2005), хулгайч нар (2012), шинэ ертөнц (2013), мөн нүүр царай уншигч (2013) зэрэг кинонууд багагүй амжилт үзүүлсэн.

Тэрээр Blue Dragon Film Awards (1999) киногоороо шилдэг найруулагч,  гэрийн үйлчлэгч (2010) киногоороо шилдэг эрэгтэй дүрийн шагналыг хүртэж байжээ. Ли Жун Жэ 2021 онд Netflix -ийн "Squid Game" драмын  гол дүрд тоглосон нь түүнийг Солонгосын хамгийн үнэтэй жүжигчин болгосон билээ. 

Ц.Наранцацрал