Украины дайнд сайн дурын цэрэг элсүүлнэ гэсэн мэдээллийг няцааж Батлан хамгаалах яам тайлбар хийлээ.

Уг асуудлаар Батлан хамгаалах яамны Ерөнхий хянан шалгагч, бригадын генерал Ж.Болдбаатар дараах тайлбарыг өгөв. 

"2022  оны есдүгээр сарын 15-наас цахим орчинд МУ-ын батлан хамгаалах яам  ОХУ-ын батлан хамгаалах яамны лого таних тэмдгийг ашиглаж, сайн дурын цэрэг татлагыг явуулж байна гэсэн хуурамч мэдээлэл эрчийг авсан. Энэ мэдээлэл тэр чигтээ хуурамч. Монгол-Оросын харилцаанд сэв суулгах хуурамч мэдээлэл тараасан хүнийг олж тогтооно. 

Монголын үндэсний аюулгүй байдалтай холбоотой цаашид ч хор хөнөөл учирч болох байж болохгүй хуурамч мэдээлэл гарсан тул Монгол-Оросын харилцаанд сэв суулгах  мэдээлэл тараасан хүнд маш том хариуцлага хүлээлгэнэ.

Цахим орчинд гарч буй мэдээлэлд цензуртэй хандах шаардлагатай.  Энэ бол маш ноцтой асуудал. өнөөдөр энэ мэдээллийг харсан бусад улс орнууд яаж харах бол, Энэ бол Монгол Улсын Засгийн газрын үйл ажиллагааг харлуулах, цаашлаад төрийн бодлогыг илт эсэргүүцсэн үйл ажиллагаа юм" хэмээв.