Казахстанд шинэ журам үйлчилж эхэлсэнтэй холбоотойгоор Оросын ачааны машинуудыг Казахстаны хил дээр саатуулж байгаа гэнэ. Энэ талаар Олон улсын авто тээвэрлэгчдийн холбоо мэдээлснийг deita.ru дамжуулсан байна. 

Эх сурвалжийн мэдээлснээр, Казахстанд үйлчилж буй шинэ журмын дагуу Европын бараа бүтээгдэхүүнийг тээвэрлэж байгаа Оросын жолооч нар өмнөх тээвэрлэгчид олгосон, ачааны зөвшөөрлийн баримт бичгийг үзүүлэх ёстой аж. Энэ шинэ журам нь олон улсын авто замын харилцааны хэлэлцээрийн заалтуудтай зөрчилдөж байна гэж Оросын Авто тээвэрлэгчдийн холбоо мэдэгджээ.

Одоогоор хил дээр саатуулагдсан тээврийн хэрэгслийн тоо тодорхойгүй байгаа гэнэ. Олон улсын авто тээвэрлэгчдийн холбооны төлөөлөгчийн мэдэгдсэнээр Оросын найман тээвэрлэгчийг саатуулсан тохиолдлын талаарх мэдээллийг тэд авчээ.

Г.Бямбасүрэн