Саудын Араб сансрын нислэгийн анхны үндэсний хөтөлбөрийг есдүгээр сарын 22-ний өдөр эхлүүллээ. Энэ хөтөлбөр нь 2023 онд Саудын Арабын хоёр сансрын нисэгчийг сансарт илгээх зорилготой аж. 

DW агентлагийн мэдээлснээр, Саудын Араб анх удаа сансарт  нисэгчдээ илгээх гэж байгаа нь энэ бөгөөд эрэгтэй, эмэгтэй хоёр нисэгчийг сансарт илгээх юм байна. Хөтөлбөрийн хүрээнд урт болон богино хугацаат сансрын нислэг гүйцэтгэх, шинжлэх ухааны туршилтууд хийх, эрүүл мэнд, тогтвортой хөгжил, сансрын технологи зэрэг салбаруудын судалгааг хийх мэргэшсэн хүмүүсийг бэлтгэх аж. 

Түүнчлэн ойрын үед Саудын Араб Үндэсний сансрын стратегиа хэрэгжүүлж эхлэх бөгөөд сансраас хүн төрөлхтөнд үйлчлэхэд чиглэсэн сансрын хөтөлбөр, улс орны санаачилгыг стратегидаа тусгасан байх гэнэ.

Г.Бямбасүрэн