НҮБ: Орос түрэмгийлснээс хойш Украинд 6000 энгийн иргэн амиа алдсан
2022-09-27 09:05

ОХУ-ын Ерөнхийлөгч Владимир Путин хоёрдугаар сарын 24-ний өдөр "тусгай цэргийн ажиллагаа" эхлүүлэх тушаал өгснөөр Оросын арми хөрш Украин руу халдаж, дайн эхэлснээр өдгөө хагас жилийн нүүр үзээд байна. Энэ хугацаанд олон мянган хүн орон гэрээ орхин дүрвэхээс аргагүй болсон бол дайны улмаас 6000 орчим энгийн иргэн амиа алдсан гэж НҮБ мэдээлжээ. 

 

Тодруулбал, Оросын түрэмгийллийн улмаас Украинд амиа алдсан, гэмт бэртсэн 14 844 тохиолдлыг баримтаар баталгаажуулж чадсан бөгөөд үүнээс 5996 хүн амиа алдаж, 8848 хүн шархадсан гэж НҮБ-ын Хүний эрхийн дээд комиссарын газар мэдэгджээ. 

 

НҮБ-ын онцолсноор, зарим газраас ирж буй мэдээлэл хоцорч, зарим тохиолдолд шалгах шаардлагатай байгаа тул бодит байдал дээр амиа алдсан хүний тоо харьцангуй их байх магадлалтай гэнэ. Украинд амиа алдсан, бэртэж гэмтсэн хүмүүсийн ихэнх нь хүнд артиллери, шуурган галын тийрэлтэт систем, пуужин болон агаарын цохилтын улмаас хохирсон хүмүүс байсан гэнэ.

 

Г.Бямбасүрэн

Shuud.mn
Сонин хачин
Орос иргэдийг 2014 онд бөөнөөр нь байшинд түгжиж амьдаар нь шатаагаад , бөөнөөр нь алж, Орос бүсгүйчүүдийг хүндэж байхад НҮБ ямар мэдэгдэл хийсэн бэ. 8 жилийн турш Донецк, Луганскийн иргэдийг их буу пуужингаар хядаж геноцид үйлдэж байхад бас юу хэлсэн бэ. Эндээс харахад НҮБ алан хядагч өдөөн хатгагч, дайн дэгдээгч Америкийн тэжээвэр гөлөг юм бнаа гэсэн дүгнэлт харагдаж бна. Энгийн иргэдийг Орос уу , эсвэл хөгшид, эмэгтэйчүүд, хүүхдүүдийн ард нуугдаж урдаа бамбай болгон ашиглаж буй Украйны фашистууд алсан гэдгийг дэлхий нийт харж бна. Ганц барууны мэдээллээр явахгүй шүү.
2022-09-27
Оросууд цэргийн обьект гэрээсээ дэд бүтэц, ард иргэд рүү илүү довтолж байгаа. Манай дэмжигч мояа- оркууд сонссон ч болж муусайн Украинчууд гэдэг юм билээ
2022-09-27