Д.Долгор: Ажилтны нийгэм, цалин хөлсний асуудал эрчим хүчний салбарт орхигдсон
2022-09-27 11:36

Эрчим хүчний салбарт эрсдэлтэй ажлын байр үүсээд буй талаар ажилтнууд нь өнөөдөр мэдээлэл хийлээ. 

 

 МЭХГУУ-н ҮЭ-ийн холбооны дарга Д.Долгор
 

Монголын эрчим хүч, геологи, уул уурхайн үйлдвэрчний эвлэлийн холбооны дарга Д.Долгор "2019 оноос хойш эрчим хүчний салбарын үнэ тариф огт хөдлөөгүй. Салбарын байгууллагууд үйлдвэрлэсэн үнээсээ 5-59 хувиар доогуур үнээр эрчим хүчээ борлуулж байна. Үүнээс үүдэн эдийн засгийн хүндрэлүүд үүсэж байгаа. Тухайлбал, эрчим хүчний салбарт 2019 онд 59, 2020 онд 92, 2021 онд 78, 2022 оны хүлээгдэж буй дүн 168.2 тэрбум төгрөгийн алдагдал хүлээхээр байна. 

 

Хөрөнгийн эх үүсвэр дутагдалтай байгаагаас шалтгаалж шаардлагатай засвар үйлчилгээний ажлаа цаг хугацаанд нь хийж чадахгүй, дэвшилтэт технологийг нэвтрүүлэх боломжгүй байна. Станцууд болон шугамын насжилт ихэссэнтэй холбоотойгоор шинэчлэлт хийж чадахгүй байгаа тул аваар ослын тоо ихсэж байна" гэдгийг хэлсэн юм. 

 

Түүнчлэн Хөдөлмөрийн аюулгүй байдлын тухай хуулиар олгогдсон ажилтны болон ажил олгогчийн эрх, үүрэг хэрэгжихгүйд хүрчээ. Хөрөнгийн эх үүсвэрийн дутагдалтай байдлаас үүдэн Хөдөлмөрийн тухай хуулийг дагаж мөрдөх, хамтын гэрээ хэлэлцээрийг хангуулах, ажилтны нийгэм, цалин хөлсний асуудал эрчим хүчний салбарт орхигдсон байна. 


Энэ талаар Ерөнхий сайдад хандсан талаар "Эрчим хүчний салбарт үүсээд буй нөхцөл байдлын асуудлаар Ерөнхий сайд Л.Оюун-Эрдэнэд тавдугаар сарын 18-нд албан бичиг хүргүүлсэн. Төлөөллийн уулзалт хийхийг хүссэн ч хариу ирүүлээгүй. Салбарт гарч буй хүндрэл бэрхшээлийн улмаас ямар нэгэн аваар саатал гарвал хариуцлагыг нь Ерөнхий сайд хариуцах ёстой гэж бид үзэж байна." гэв. 

Shuud.mn
Сонин хачин
Zochin:
Захиралуудын тансаглал том жип шаардлагагуй худалдан авалтаасаа салах хэрэгтэй шуу дээ хот дотор том машин унаад хэрэггуй шуу маш их ургуй зардал их бна олон жил захирал хийсэн хумуусээсээ эхлээд салаачээ шинэ сайд эртхэн шиг арга хэмжээ аваачээ
2022-09-27
zochin:
gants tanaih bish bvgdiin tsalin tetgever halamjiig nemeh tsag boljee.bostsgooe darlagdsan arduudaa.deedeh uursduduu huuli gargaj idej uuj tsaddaggyi ard irgedee haihrahaa bailaa.yyumnii yne tsalin tetgever halamjandaa tentsyylj yzeech yniin horoo avtsaldaagyii ene tal deer ajillahgyi bna sh dee.tootsoo alga
2022-09-27
АВИЛГАЧИН ТЭНДЭРЧИН ДАРГА НАРАСА АВ
2022-09-27
энэ янхан бодож сэтгэж чадахгүй байна
2022-09-27
аль ч улс эрчим хүчний салбар цалин өндөр хангамж их байдаг. монгол хүйтэн хөгжил дорой байж боловсрол эрчим хүч 2 маш өрөвдмөөр . ийм байхад хэн ажил хийж бодож сэтгэх юм бэ ийм л хог новшнуудаар улсаа удирдуулдаг монголчууд өөрсдөө мэдлэг боловсрол муу болохоор сайн му зөв бурууг ч ялгахгүй
2022-09-27