Өмнөд Солонгосын уран гулгалтын тамирчин Ким Юна найз залуу, "Forestella" хамтлагийн дуучин Гү Ву Римтай өнгөрсөн долоо хоногт /2022.10.22/ хуримаа хийлээ. Тэд гэр бүл, найз нөхдийн хүрээнд цомхон хурим хийсэн юм. 

"Мөсөн гүнж" Ким Юна болон дуучин Гү Ву Рим нар 2018 онд анх танилцжээ. Тухайн үед "Forestella" хамтлаг 2018 оны "All That Skate Ice Show" гэх уран гулгалтын шоунд зочноор ирж, дуулсан аж.

Өдгөө 32 настай Ким Юна эмэгтэй ганцаарчилсан гулгалтын олимпын аварга (2010), дэлхийн хошой (2009, 2013) аварга, нийлбэр оноогоор дээд амжилтыг эзэмшиж буй тамирчин юм.