Сүүлийн хоёр жилийн туршид Египетийн Каир хотоос 32 километр зайд орших Гиза дахь археологийн малтлага дээр дэлхийн өнцөг булан бүрийн археологчид ажиллажээ. Тэд саяхан Тутанхамоныг төр барьж байх үеийн (shuud.mn: МЭӨ 1333-1323) фараоны зөвлөх, ойрын хүрээллийн генералуудынх байж болох олон бунхан, занданшуулсан шарил олсон талаар NBC мэдээлсэн байна. 

Эх сурвалжийн мээдэлснээр, археологчид Тутанхамоны бунханаас ердөө хоёр алхмын зайтай малтлага хийж байжээ. Эхлээд эндээс үл мэдэгдэх, эртний Египетийн хатны пирамидыг олсон байна. Энэ хатныг Нейт гэх бөгөөд өмнө нь энэ нэр түүхэн эх сурвалжуудад гарч байгаагүй гэнэ. Цаашлаад, Египетийн зургадугаар гүрний анхны хаан Тетигийн пирамид орчимд малтлага хийхэд түүхийн хосгүй олдворууд олдсон гэнэ.

Археологчдын өгүүлснээр, Шинэ хаанчлалын үеийн 300 булшийг олжээ. Булшинд байх занданшуулсан шарилууд нь олон зууныг туулсан ч сайтар хадгалагдсан байсан аж. Энэ нь Шинэ Хаанчлалын үед занданшуулах ажил сайжирч, оргилдоо хүрснийг илтгэж байна хэмээн археологчид өгүүлжээ. 

Г.Бямбасүрэн