Түлш, шатахууны үнийг чөлөөлж, зах зээлд нь даатгая
2022-11-25 09:56

Монгол Улс газрын тосны нөөцтэй ч боловсруулдаг үйлдвэргүй. Түүхий тосоо хямд экспортолж, бэлэн бүтээгдэхүүн үнэтэй импортолдог байгаагийн зовлонг олон жил амсаж буй улс. Орос крантаа хаахад Монгол Улс Хятадыг царайчилж, иргэд нь машинаа түрж алхдаг. Ийм хомстол манай хаалгыг байнга тогшдог бөгөөд цаашид ч үргэлжлэх төлөвтэй. Бидний мөрөөдөл болсон газрын тосны үйлдвэр хэзээ ашиглалтад орох нь тодорхойгүйгээс гадна олон улсын нөхцөл байдал ч амаргүй байна.

 

 

Манай улс газрын тосны нийт бүтээгдэхүүний 70 орчим хувийг ОХУ-ын Роснефть компаниас импортолдог.  Дайтаж байгаа Орос улсаас шууд хамааралтай учраас нийлүүлэлт хэвийн, үнэ байнга тогтвортой байна гэж найдах боломжгүй. Засгийн газар Роснефть компанитай хэлэлцээ хийж, АИ-92 автобензинийг 2027 он хүртэл тогтвортой үнээр, дизель түлшийг 10 хувийн хөнгөлөлттэй үнээр худалдан авахаар тохирсон хэмээн хэвлэлээр нэг шуугисан. Гэхдээ энэ ерөнхий гэрээ шатахууны үнийг өнөөдрийн түвшинд таван жилийн хугацаагаар барина гэсэн үг биш. Олон улсын хөрөнгийн бирж дээр нээлттэй арилжаалагддаг газрын тосны үнэ дэлхийд өрнөж буй үйл явдлуудаас шууд хамаарч, маш мэдрэгээр өсөж, буурч байдаг. Товчхондоо ОХУ-Украины дайнаас шууд хамаарна гэсэн үг. Тэгэхээр манай Засгийн газар таван жилийн гэрээтэй, бид нэг үнээр шатахуун авна гэж найдах нь хий хоосонд итгэсэнтэй адил.  

 

Цар тахал, ОХУ-Украины нөхцөл байдал зэрэг олон хүчин зүйлээс шалтгаалан дэлхийн зах зээл дээрх нэг баррел түүхий нефтийн арилжааны үнэ 2020 оны 05 дугаар сард 17 ам.доллар байсан бол өнөөдөр 85.09 ам.доллар болж өссөн.

 

Хэдийгээр 12 дугаар сард гадна талд нефтийн үнэ буурах төлөвтэй байгаа ч манайд шатахууны үнэ буурах боломжгүй. Учир нь ам.долларын ханш тэнгэрт хадаж, төгрөг шалан дээр хэвтэж байгаа.

 

Валютын ханшаа алдсан манайд гадна ам.долларын өртөг тогтвортой байлаа ч төгрөг рүү шилжүүлэхэд импортлогчдод алдагдалтай.  

 

Төр салбар салбарын үнийг барьж, чөлөөлөхгүй байсаар эцэстээ сөхөрч унахад хүргэдэг. Яг одоо эрчим хүчний салбар энэ зовлонг амсаж байгаа. Дараагийнх нь газрын тосны салбар болоход ойрхон байна. Шатахууны үнийг албаар барьж, импортлогч хэдэн компанийг элдэв янзаар дарамталсаар өнөөдрийг хүрсэн нь бодит үнэн.

 

Газрын тос боловсруулах үйлдвэргүй, шатахууны хэрэгцээгээ 100 хувь импортоор хангадаг улс үнийг барьж, аргацаасаар байвал салбарыг алдагдалд оруулж, унагахаас өөрцгүй. Түлш, шатахууны үнийг чөлөөлж, дэлхийн зах зээл дээр бүтээгдэхүүний үнэ өсвөл дагаж өсөж, буурвал дагаж буурдаг чөлөөт зах зээлийн зарчимд шилжүүлэх нь зөв зам. Чөлөөт зах зээлд шилжчихээд хэдий хүртэл социализмын зарчмаар аргацаах билээ.

 

Б.Хэрлэн

Shuud.mn
Сонин хачин
Лхагва:
Тийм юм байхгүй ээ. Стратегийн бүтээгдэхүүний бизнесийг хувьчилж огт болохгүй. Төр хүчээр зохицуулах ёстой шүү
2022-11-27
2022 оны 1-9 сарын хугацаанд 760,0 орчим тэрбум төгрөг төлөгдсөн, Гэтэл 10- сараас төлөлт саарч байна Одоогийн байдлаар 785,0 сая төгрөг гэхээр 10-р сард 25, орчим тэрбум төгрөг төлөгдсөн байх уу? УИХ-н гишүүн Амартүвшин,Дамдинням,Х. Ганхуяг нарын 33,15 тэрбум,Бямбацогтын 80,6 тэрбум, Номтойбаярын 135,0 тэрбум, Б.Чойжилсүрэнгийн 80 тэрбум, А. Сүхбатын 23,5 тэрбум, Таванбогд ХХК-ны Баатарсайхан 225,9 тэрбум, Б. Эрдэночир 28,1 тэрбум, Х. Батэрдэнэ 50,4 тэрбум, Ш. Лхамсүрэн18,58 тэрбум, Ё Пүрэв 33,7 тэрбум МАН -н эдгээр гишүүдийн авсан зээлийг бүрэн төлүүлсэн юмуу???!!! ХБ-ний зээлийн ихэнх нь МАН-тай холбоотой байхад яагаад МАН-с хариуцлага тооцно гэж мэдээлчихээд чимээгүй байгаа юм бэ? ЖДҮ, Эрдэнэт 49, Одоо Таван толгой нүүрсний хулгайн 40 их наяд гээд Монгол улс яаж хөгжих юм бэ? Төрд дандаа бүлэг хулгайчууд ажиллаж байгаа нөхцөлд монголын ард түмэн туйлын ядуурлаас гарахгүй цаашидаа ч Монголын хөгжил ирээдүй гэж байхгүй, энэ улс орон дампуурч дуусах юм байналдоо!!! МАН бүх сөрөг хулгай луйвараа урьдаас төлөвлөж , дандаа схемчилж хийсээр ирсэн. 60 тэрбум хажууд нь ялааны баас юм байналдаа!!!
2022-11-27
иргэн:
улсын эдийн засгийн ач холбогдолтой стратегийн бүтээгдэхүүн, хувьчилж болохгүй салбар гдг нь тун ойлгомжтой бсн, нэг улс, түүнийн төрийн мэдлийн нэг л компаний, нэгхэн үйлдвэрээс хамааралтай бж, солиорчихсон улс төрчдийн буруу шийдвэрийн балаг, үйлдвэрээ хурдан ашиглалтанд оруулах бүхий л аргыг хэрэглэх хэрэгтэй, дээр нь төр мэдэлдээ авч, орос, хят, казахстан, өөр бусад оронтой урт хугацааны гэрээ хийх нь зөв
2022-11-27
Ер нь яаж ийгээд нефтийн үйлдвэрээ барих хэрэгтэйшд хэн хаана гацаагаад байгаа нь ойлгомжтойшд
2022-11-27
Иргэн:
Роснефтийг шууд оруулах хэрэгтэй. Энэ олон компанийн үнийн зөрүү, орлого нь ороод үнэ өндөр байх нь ойлгомжтой. УИХ, ЗГ-рт лобби хүчтэй салбар
2022-11-26
Роснeфтийг оруулаачээ малнуудаа.
2022-11-25
Чөлөөлөөд үзье:
Ер нь чөлөөлөөд үзбэл яасан юм. Дизель түлш өндөр үнэтэй, дээр нь олдоц муутай байгаа учир миний хувьд сав л хийвэл машинаа унахаа больж байна. Ер нь түрийвчтэй нь л яръя. Харин зөвхөн хот төдийгүй хөдөө орон нутаг руу ч нийтийн тээврээ хүртээмжтэй, тогтмол давтамжтай явуулдаг болгоё
2022-11-25
Чөлөөлөх нэг хэцүү чөлөөлөхгүй бол бүүр хэцүү, яамаар ч юм бдээ ста гэж нээрээ
2022-11-25
MN NEWS:
Энэ бол миний ахиц дэвшлийн гэрчлэл юм. Би интернэтээс нэгэн эрийн мэдүүлгийг олж мэдсэн бөгөөд тэрээр өөрийн эмнэлэгт байгаа өвчтөнийг 600,000 доллараар аврахын тулд нэг бөөрөө NA HEALTH CARE (NAHEALTHCARE.IN@GMAIL.COM ) компанид зарсан гэж мэдүүлсэн тул би шийдсэн. NA HEALTH CARE-тэй холбоо барина уу, тэд миний нэг бөөрийг худалдаж авах сонирхолтой байгаа эсэхийг мэдэж байгаа бөгөөд аз болоход тэр тэд эмнэлэгтээ бөөр худалдаж авахад үргэлж хэрэгтэй байдаг бөгөөд тэд аль болох олон худалдан авахад бэлэн байгаа тул бид тохиролцсон бөгөөд өнөөдөр би байна. Олон жил ядуу зүдүү амьдарсны эцэст би нэг бөөрөө 600,000 доллараар зарсандаа ямар ч сөрөг нөлөөгүйгээр маш их баярласан. Та сүнсээ аврахын тулд нэг бөөрөө зарах уу эсвэл худалдаж авах уу? NA HEALTH CARE-тэй имэйлээр холбоо барина уу: NAHEALTHCARE.IN@GMAIL.COM whatsapp дугаар: +19099134258
2022-11-25
Zochin:
Nefitiin unee chuluuluh gej bgaa bol tusgai zuvshuurliig ni gesen chuluuluh heregtei.Ingej baij l chuluut ursulduunii jurmaar uragshilna.Unuugiin ene monofolidson togtoltsoond uniig chuluulbul Mongol muhuh ayultai
2022-11-25
Зочин:
Иргэдийн цалинг зах зээлийн зарчимд оруулчих дараа нь шатахуунаа нэмж болноШатахуунаа рублиэр авахаар тохиролцож болно ш дээ Тэр талаар яагаад ярихгуй байна Монополь кампаниудын эрх ашиг уу
2022-11-25
D
2022-11-25
иргэн:
Дэлхий дээр хаана ч зах зээлд даатгах гэсэн ойлголт байдаггүй, нефтээс бусад зарим зах зээлд өрсөлдөөнт зах зээлийн эрүүл орчин бүрдсэн тохиолдолд зохицуулалтыг сулруулах төрийн зохицуулалтыг бага байлгах лебералчлах бодлого хэрэгждэг, нефтийн бүтээгдэхүүний зах зээл нь аль ч улс орны стратегийн бүтээгдэхүүн байдаг тул зах зээлд даатгах тухай ойлголт аль ч тохиолдолд байдаггүй. Зохицуулалт хяналт хэр оновчтой байгааг дахин дахин ярих ёстой.
2022-11-25