Ерөнхийлөгч У.Хүрэлсүх нийгмийн сүлжээгээрээ дамжуулан "нүүрсний хулгай"-н асуудлаар "Нөхцөл байдалд бодитой дүгнэлт хийж хатуу чанд хуулийн хариуцлага тооцох ёстой" хэмээн байр сууриа илэрхийлсэн. Харин өчигдөр УИХ-ын дарга Г.Занданшатар "Ард түмний баялгаас хулгай хийсэн хэнбугай ч болов хуулийн хатуу цээрлэл хүлээх ёстой" гэсэн юм.

Тэгвэл тэдний араас Ж.Сүхбаатар сайд мөн өөрийн нийгмийн сүлжээгээрээ дамжуулан "нүүрсний хулгайн"-н асуудлаар " Хулгайг 2 аргаар л дарна.

1. Хулгайчийг илрүүлж барьж зохих шийтгэл оноох;

2. Хулгай гардаг эх үндсийг таслах механизм бүхий тогтолцоог бүрдүүлэх.

Иймд нүүрсний хулгайчдыг олж илрүүлэх, хатуу хариуцлага тооцох нь бидний эн тэргүүний үүрэг даалгавар. Миний хувьд иргэдийнхээ энэ шаардлагыг бүрэн дэмжиж байгаа, энэ тал дээр ард түмний төлөөлөгчийн хувьд байнга зогсох болно" хэмээн байр сууриа илэрхийлжээ.