Өнгөрсөн 11 дүгээр сарын 25-нд БНХАУ-ын Бээжин хотын Чаоян дүүргийн шүүхээс БНСУ-ын "EXO" хамтлагийн гишүүн асан Крис Ву-д насанд хүрээгүй хүүхдэд бэлгийн хүчирхийлэл үйлдсэн гэх хэргээр анхан шатны шүүх хурал болж, 13 жилийн хорих ял мөн БНХАУ-аас албадан гаргах шийдвэр гаргасан.

Канадын иргэншилтэй Крисийн эхний шүүх хурал батлагдвал Хятадын шоронд 13 жил хоригдсоны дараа Канад руу буцах гэнэ. Үүний дараагаар Крисийг Канад улсад бэлгийн хүчирхийлэл үйлдэгсдэд хийдэг химийн аргаар хөнгөлдөг "Химийн кастрация" хйилгэж магадгүй гэх таамаг Хятадын хэвлэлээр гарч эхэлжээ. 

Химийн аргаар хөнгөлөх ажилбарыг бэлгийн хүчирхийлэл үйлдэгсэд мөн хар тамхинд донтогсдод гормон тарьж бэлгийн дур хүслийг нь хүчээр дарах ажилбар юм.  Канад улс нь бэлгийн хүчирхийлэл үйлдэгсдэд химийн аргаар кастрацияг идэвхтэй хэрэгжүүлдэг улсын нэг билээ. 

Крис нь 2012 онд БНСУ-ын EXO хамтлагийн гишүүнээр дебютээ хийж царайлаг гэдгээрээ олонд танигдсан. Тэбрээр 2014 онд агентлагтайгаа хийсэн  гэрээ нь  дуусаж хамтлагаа орхисон. Түүнээс хойш Хятадад дуучин, жүжигчнээр ажиллаж байсан юм. Крис Ву өнгөрсөн жил насанд хүрээгүй эмэгтэйчүүдийг шөнө дөлөөр фен уулзалтдаа дуудаж, бэлгийн харьцаанд орсон нь илэрч цагдаад баригдсан билээ.