Дэлхийн эдийн засгийн ихэнх хэсэгт 2023 он өмнөх оноос хүнд жил болно гэж Олон улсын валютын сан таамаглажээ. Дэлхийн гурван том эдийн засаг болох АНУ, Европ, Хятад улсад өсөлт саарч, эдийн засгийн идэвхжилт буурах нь ийнхүү дэлхий дахинд нөлөөлнө гэж Олон улсын валютын сангийн гүйцэтгэх захирал Кристалина Георгиева мэдэгджээ. 

Түүний өгүүлснээр, АНУ-д тогтвортой байдал хадгалагдаж, хямралаас зайлсхийж чадах бол Украины дайны улмаас Европын холбооны эдийн засаг хүндхэн цохилт амссан хэвээр байх гэнэ. Мөн Хятадын эдийн засаг цаашид ч саарч, 2023 онд Хятадын хувьд хүндхэн жил болно гэж ОУВС-ийн захирал онцолжээ. 

Түүнчлэн дэлхий даяар зардлын төвшин нэмэгдэнэ эгж тэрбээр үзэж байгаа аж. Цар тахлын дараа нийлүүлэлтийн хэлхээ өөрчлөгдөж, үйлдвэрлэгчид хамгийн хямд ажиллах хүч болон түүхий эдийн араас хөөцөлдөлгүй бүтээгдэхүүний өртөг болон бизнесийн тогтвортой байдлын тэнцвэрийг олно, ингэснээр зардал нэмэгдэнэ гэж Георгиева мэдэгджээ.

Г.Бямбасүрэн