Украин 2022 онд 1596 хүнээ Оросын олзноос чөлөөлжээ. Тэдний 1464 нь цэргийн алба хаагч, 132 нь энгийн иргэн байсан гэж Украины эрх баригчид мэдэгдсэнийг Интерфакс дамжуулсан байна. 

Өнгөрсөн онд дайн эхэлснээс хойш олзны хүмүүсийг чөлөөлөх ажиллагаанд Украины Ерөнхийлөгчийн захиргаа, Аюулгүй байдлын алба, Тагнуулын ерөнхий газар оролцжээ. 

Оны сүүлээр буюу 11 болон 12 дугаар сард Орос, Украин улс хэдэнтээ олзны хүмүүсээ солилцсон юм. Хоёр орны хооронд олзны хүмүүсээс солилцох хамгийн том ажиллагааны нэг болох 11 дүгээр сарын гуравны өдөр болсон солилцооны үеэр хоёр тал тус бүр 107 хүнийг солилцсон. Мөн өнгөрсөн онд нийтдээ 869 цэргийн цогцосыг Украины тал хүлээн авчээ. 

Г.Бямбасүрэн