Хөгжлийн банкыг Хянан шалгах түр хорооноос Нотлох баримтыг шинжлэн судлах сонсгол  хоёр дахь өдрөө үргэлжилж байна.

Уг сонсгол “Хөгжлийн банкнаас санхүүжүүлсэн “шууд зээл”-ийн олголт, эргэн төлөлтийн байдал, зээл олгосон албан тушаалтан, зээлдэгчид болон хамаарал бүхий этгээдүүдээс гэрчийн мэдүүлэг авах, зээлийн ашиглалт, зарцуулалтын төлөв байдалд гаргасан хянан шалгагч, шинжээч нарын дүгнэлт, мэдээллийг сонсох” сэдвийн хүрээнд болж байна.  

Гэвч зарим албан тушаалтнууд ирэхгүй байгаа асуудалд гишүүд шүүмжлэлтэй хандаж байна. 

Тухайлбал, УИХ-ын гишүүн Ц.Мөнхцэцэг  ""Империал гоулд майнинг" ХХК -ийн барьцаанд авсан лиценз барьцааны шаардлага хангахгүй байна гэсэн шинжээчийн дүгнэлт гарсан байна. Тухайлбал, Хаан банкны барьцаанд бүртгэлтэй, ашигт малтмалын ашиглалтын зөвшөөрлийг 9,2 тэрбум төгрөгөөр үнэлж барьцааны шаардлага хангуулсан Хөгжлийн банкны 10.1.6 заасан барьцаан хөрөнгийн шаардлага хангаагүй. Тухайн үеийн хөгжлийн банкны удирдлагууд,  Хөгжлийн банкны ТУЗ-ын дарга байсан М.Баярмагнай тэргүүтэй хүмүүс яагаад сонсголд ирэхгүй байна вэ? Нийтийн сонcголд ирэхгүй байгаа албан тушаалтнуудыг дуудмаар байна" гэлээ. 

П.ГОО