Өнгөрсөн долоо хоногт буюу намрын чуулганы төгсгөлд Олон нийтийн сүлжээнд хүний эрхийг хамгаалах тухай хуулийн төслийг эцэслэн баталсан.
Энэ хууль ирэх сарын 1-нээс хэрэгжиж эхлэх юм. Гурав хоногийн дотор хэлэлцүүлж батлуулсан уг хуулийн төсөл нийгмийн сүлжээнд шүүмжлэл дагуулж байна. Олон нийтийн зүгээс Ерөнхийлөгч У.Хүрэлсүхийг энэ хуульд хориг тавих эсэх асуудал хүлээлт үүсгэж байна.
Тухайлбал, “Шар айраг” хамтлагийн дуучин, “Үүргэвчтэй аялал”-ын Г.Ганхүү нийгмийн сүлжээндээ "Оюутан цагийн найз Монгол Улсын Ерөнхийлөгч Хүрэлсүхээ, чи бид 2-т оюутан цагтаа сайхан нөхөрлөж байсан үе, шар айраг хувааж уугаад Чехуудтай гар зөрүүлж, банзан гитараа хамт нүдэж, машин тэрэгний наймаа хийж явсан үе хүртэл бий. Чамайг Монгол Ардын намын гишүүн болсон цагаас хойш, ялангуяа дарга, цэрэг, Генсек, Ерөнхий сайд, Ерөнхийлөгч болоход чинь ч хүртэл нэг ч удаа уулзаж, юм гуйж байсангүй ээ. Монгол Улсын Ерөнхийлөгч болоод Төрийн наадмын хүлээн авалтад урихад чинь Ёс ёмбогор, Төр төмбөгөр гээд очсон биш, ганц тагш шар айраг уугаад 10 минут саатаад гарсан биш, долоогч, бялдуучаараа дуудуулаад ардын дайсан болсон. Одоо харин оюутан цагийн найзын хувьд нэг гуйлт байна. Н.Учрал гишүүний яаран сандран оруулж ирсэн, ард иргэдийнхээ санаа бодлыг боомилох гэсэн, Ардчилсан улсын үнэт зүйлд биш зөвхөн Тоталитар улсад л байхуйц энэ хуульд хориг тавина гэж найдъя, өнөөдөр сүүлийн өдөр нь юм байна, Оюутан цагийн найз Ганхүү" гэжээ.
Парламентын баталсан хуульд Ерөнхийлөгч ажлын тав хоногт багтаан бүхлээр нь болон хэсэгчлэн хориг тавьж болдог.
| Уншиж байна |