Өмнөд Солонгосын хэрэглээний үнийн өсөлт 2009 оноос хойш хамгийн дээд үзүүлэлтэд хүрчээ
2023-02-02 12:30

Өмнөд Солонгост инфляцийн гол үзүүлэлт болсон хэрэглээний үнэ өнгөрсөн сард жилийн эцсийн дүнгээр 5,2 хувиар өсчээ. Өмнөд Солонгосын Үндэсний статистикийн газрын мэдээлснээр, нэгдүгээр сарын өсөлт 12 дугаар сартай харьцуулахад 0,2 хувиар өссөн байна. 

 

Тус улсад инфляци есөн сарын туршид таван хувийг давж, өнгөрсөн сард орон сууцны нийтийн үйлчилгээний үнэ 28,3 хувиар нэмэгджээ. Энэ нь эрчим хүчний түүхий эдийн үнийн өсөлтөөс шалтгаалсан гэж эдийн засагчид онцолсон байна. Энэ нь 2010 оноос хойших хамгийн өндөр өсөлт аж. 

 

Бараа бүтээгдэхүүний үнэ жилийн дүнгээр 6,7 хувиар өсжээ. Боловсруулсан хүнсний бүтээгдэхүүн өнгөрсөн сарьтай харьцуулахад 10,3 хувь, газрын тосны бүтээгдэхүүн таван хувь, хөдөө аж ахуй, загас, амьтны гаралтай бүтээгдэхүүн 1,1 хувиар өссөн байна. 

 

Суурь инфляци таван хувьд хүрсэн нь 2009 оны хоёрдугаар сараас хойш тохиосон хамгийн өндөр үзүүлэлт гэж Өмнөд Солонгосын шинжээчид онцолжээ.

 

Г.Бямбасүрэн

Shuud.mn
Сонин хачин