Америкийн Арканзас мужид реп дуучны тоглолтын үеэр хүмүүс рүү буудсан хэрэг гарч, улмаар нэг хүн амиа алдаж, дөрвөн хүн шархаджээ. Энэ талаар мужийн цагдаагийн газраас авсан мэдээлэлтэйгээр АВСNews мэдээлсэн байна. 

Эх сурвалжийн мэдээлснээр, Fredo Bang тоглолтын үеэр энэ хэрэг болжээ. Хэргийн улмаас 19 настай эмэгтэй амиа алдсан байна. Энэ хэргийг үйлдсэн этгээдийг саатуулсан эсэх талаарх мэдээлэл хараахан гараагүй байгаа юм.

Энд дуулгахад, 2023 оны эхний нэг сард галт зэвсэг ашигласан хэргийн улмаас 1,5 мянга гаруй хүн амиа алджээ. Америкт олон хүн рүү буудсан хэрэг 51 удаа гарсан бөгөөд эдгээр хэргийн улмаас 22 хүүхэд амиа алдсан байна.

Г.Бямбасүрэн